၁၇ရာစုတွင် ပြင်သစ်သမားတော် ယောန်ဘက်ပ်တေးဒန်းနစ်(Jean-Baptiste Denise)က သိုး၏သွေးကိုလူ့ကိုယ်တွင်းသို့ သွင်းသည့်အခါ ပထမဦးဆုံးသွေးသွင်းခြင်းအဖြစ် မှတ်တမ်းတင်ခဲ့ကြသည်။ သွေးများအားလုံး အတူတူပင်ဖြစ်သည်ဟု ယူဆခဲ့သောကြောင့် သူ မအောင်မြင်ခဲ့ပါ။ ၁၉၀၀ခုနှစ်များ မတိုင်မီ ဩစတြီးယားသိပ္ပံပညာရှင် ကားလ်လန်းစတိန်နာက လူသားအချင်းချင်းတွင်ပင် သွေးများအားလုံးထပ်တူမညီကြောင်း ရှာဖွေတွေ့ရှိခဲ့သည့်အချိန်အထိ ထိုအကြောင်းကို မသိရှိခဲ့ကြပေ။ လူတစ်ဦးသည် အများနှင့်မတူသော သွေးအုပ်စုဖြင့် မွေးဖွားလာခဲ့ပြီး ဘဝတစ်လျှောက်လုံး ထိုအတိုင်းပင် မပြောင်းမလဲရှိကြောင်း သူတွေ့ရှိခဲ့သည်။ အဓိကသွေးအုပ်စု (၄)မျိုးမှာ အေ၊ ဘီ၊ အေဘီ နှင့် အို တို့ဖြစ်သည်။
သွေးအုပ်စုတစ်မျိုးရှိသောလူတစ်ဦးသည် အခြားသွေးအုပ်စုမတူသူတစ်ဦးထံမှ လှူဒါန်းသည့်သွေးကို လက်ခံရရှိသည့်အခါ ၎င်းတို့၏ခန္ဓာကိုယ်မှ ထိုသွေးကို အန္တရာယ်ရှိသောအရာဟုထင်မှတ်ကာ တိုက်ထုတ်သောကြောင့် ပိုမို၍ ထိခိုက်ရကြောင်း သိပ္ပံပညာရှင်များက လေ့လာတွေ့ရှိခဲ့သည်။ အချို့ သွေးအုပ်စုရှိသူများအား မတူသောသွေးအုပ်စုကို သွင်းပေးနိုင်သော်လည်း အချို့သူများမှာ သွေးအုပ်စုတစ်မျိုးတည်းကိုသာ လက်ခံနိုင်သည်။ ယခုကဲ့သို့ အုပ်စုခွဲထားခြင်းကို သိရှိထားခြင်းဖြင့် လူအများအတွက် သွေးအုပ်စုတူ (သို့) အချို့သောသွေးအုပ်စုရှိသည့်သူများထံမှ သွေးကိုလက်ခံရယူရာတွင် ပို၍ အန္တရာယ်ကင်းစေသည်။
နောက်ပိုင်းတွင် သိပ္ပံပညာရှင်များသည် သွေးအုပ်စုများအကြောင်း ပိုမို၍တွေ့ရှိလာကြသည်။ သူတို့သည် ရီးစပ်စ်(Rh) ဟုခေါ်သော အသားဓါတ်တစ်မျိုးကို သွေးထဲတွင် ပါဝင်ခြင်း ရှိမရှိကို တွေ့ရှိလာကြသည်။ ထိုအခါ သွေးအုပ်စု (၄)မျိုးကို Rhအပေါင်းသွေးနှင့် Rhအနုတ်သွေးဟူ၍ ထပ်မံခွဲလိုက်ကာ ဥပမာအနေနှင့် A+ (သို့) A- အဖြစ်ဖော်ပြကြသည်။ ထို့ကြောင့် သွေးအုပ်စုပေါင်း (၈)မျိုးရှိလာလေသည်။
သွေးအုပ်စုများအကြောင်း Rh သွေးအကြောင်း၊ သွေးတွင်ပါဝင်သော ပစ္စည်းများအကြောင်းနှင့် ပါဝင်ပစ္စည်းတစ်မျိုးစီ၏ လုပ်ဆောင်ချက်များအကြောင်း သိထားကာ ၁၉၃၇ခုနှစ်တွင် ချီကာဂို မှ ဆရာဝန်တစ်ဦးက ပထမဆုံးသွေးလှူဒါန်းဌာနကို ဖွင့်လှစ်ခဲ့သည်။ ထိုအချိန်မှစ၍ သွေးသည် လူတစ်ဦးကိုသွင်းပေးရန် လုံခြုံစိတ်ချရသည်ဟူသော ကိစ္စရပ်မှာစိန်ခေါ်မှုများ ကြုံတွေ့ရလေသည်။ သို့သော် ယနေ့တွင် သွေးသွင်းကုသခြင်းသည် ရှေ့တန်းသို့ ရောက်ရှိနေပြီဖြစ်ပါသည်။
သွေးဌာနများနှင့် ဆေးရုံများသည် သင်သွေးလှူဒါန်းသည့်အခါ သင့်သွေးအုပ်စုကို လက်ခံနိုင်သောသူထံသို့သာ ရောက်ရှိပါသည်။ သင်၏သွေးကို ထပ်ပိုးသိမ်းဆည်းပြီး အခြားမည်သူတစ်ဦးတစ်ယောက်၏ သွေးနှင့်မျှ ရောနှောမသွားစေရန်ဆောင်ရွက်ထားရှိပါသည်။ သင်သည် မိမိ၏သွေးအုပ်စုကို မသိထားသည့်တိုင်အောင် သွေးလှူသည့်အခါ သင့်သွေးအား စမ်းသပ်၍ အုပ်စုခွဲပေးခြင်းတို့ကို သွေးဌာနများနှင့် ဆေးရုံများက ပြုုလုပ်ပေးပါသည်။